رئيس مجلس الادارةمروة حلمي
رئيس التحريرأحمد يوسف

بيــــــــنا بـــــــــــــــــلاد

  • الشعر
  • 07 أغسطس 2018
  • 476 مشاهدة
بيــــــــنا بـــــــــــــــــلاد

عادل التعلب

 

يمكن بـــينا بلاد وبلاد

ألف مــدينة ..

ســـكة طــويلة ..

خلت كل الدنيا تشوفنا

أو تـــوصفنا ..

بــــــوصف بعاد

 

لكن ناسيه بــــــــأن البعــــد

عمره مـــــــا يبقا بعد مـكان

ياما كتير عايشين مع بعض

لكــــن بينهم ســور وحيطان

أصل الحب مالهش حدود

علشان يبـــقا البعد بعاد

يمكن بـــينا بلاد وبـلاد

 

لــــكن حتي

 

حتي في عز ما تبقا في بيتها

بعـــشق إني أجيب في سيرتها

وافضل اعيد واتــــكلم عنها

وارسم جــــوه عنيها صورتها

دي مش بس مـــجرد قصة

ولا كام ذكرى ف قلبي سـابتها

قلـبي وروحي وحتي عنيا

بنظرة عـــين من عنيها سبتها

يعني صبحت العبد الطايع

مــــن أول ما عـنيا   شافتها

آه حبــيتها .. لــما لقــيتها

مـــــية وزاد

يمكن بـــينا بلاد وبــــلاد

 

 

كنت بشوفها لحظه بلحظه

حتي في عــز ما بــبقا مغمض

عشت معاها أجمل لحظه

يمكن صعـــب كمان تتــعوض

نمت ليالي وقلبي حاضنها

عيني ف عينها وليها بفضفض

غصبن عن أيامي حبيبتي

حــــتي ولو أيامي هاتــرفض

ما انا مش تبقا سعادتي ف أيدي

واقــــبل إني أمــــثل وافرض

 

أفرض مثلا

 

أفرض مثلا إن انا بحــــلم

وان مسيري هاقوم من نومي

وان انا أقوى من إحساسي

وانــــــي ها كمل بعدك يومي

قبل ماتخلص بس اللحظة

نبضة قـــــــلبي تقـولك قومي

أصلك نايمة جوه وريدي

كن مابيــــــــنا ألف مـــــــعاد

يمكن  بينا بلاد وبلاد

 

بس انا هافضل

 

هافضل أكتـب عنك شعر

حـــــتي لآخر يوم في العمر

هافضل فـــــــاكر إن ليا

وســـــــط الدنيا أجــمل بدر

بدر مــــنور كل حياتي

مهـــــما سنيني تفوت وتمر

مؤمن إن مابينا معاد

يمكن بينا بلاد وبــــــلاد

 

 

 

Facebook Comments

أخبار ذات صلة

شارك برأيك وأضف تعليق

إحصائيات المدونة

  • 937٬643 الزوار
جميع الحقوق محفوظة لجريدة اليوم الخامس 2019 ©