رئيس مجلس الادارةمروة حلمي
رئيس التحريرأحمد يوسف

تحياتى

  • الشعر
  • 25 مايو 2020
  • 307 مشاهدة
تحياتى

كلمات /أحمد حنفى

 

 

تحياتى …
لأقرب حد كان ليا
وعشت معاه حكاياتى
لحب كبير بيوجعنى
يزود فيا دقاتى
لناس فى الشدة كات جمبى
بتنكر خيرى وتخبى
وتقتل كل يوم كلمة
بتسعد روحى وحياتى
تحياتى
يا غايب من زمان عنى
يا ساكن قلبى والننى
وشاغل كل اوقاتى
تحياتى لمتغرب
بيبعد حبه ويقرب
وتفضل فاضية بيه الدار
تحياتى
لذكرى جميلة جوايا
بتاخد عقلى للماضى
يمر العمر عالفاضى
ويفضل قلبى بيه محتار
تحياتى لناس قادرة
مبيحسوش بأخطائهم
ولما العمر يسرقهم
يقولو يا ريت
تحياتى لناس خانت
وواكله معاك فى نفس البيت
عشان حبيت أكون غيرهم
هسيب الرد لضميرهم
وادور تانى عن ذاتى .
تحياتى . .

Facebook Comments

أخبار ذات صلة

شارك برأيك وأضف تعليق

إحصائيات المدونة

  • 1٬509٬646 الزوار
جميع الحقوق محفوظة لجريدة اليوم الخامس 2020 ©