رئيس مجلس الادارةمروة حلمي
رئيس التحريرأحمد يوسف

حــــــــــوا

  • الشعر
  • 12 يناير 2019
  • 230 مشاهدة
حــــــــــوا

 

شعر / عادل التعلب

 

يــا غصن العشق يـــــا منبت

في أرض القلب من جــــــوة

يا طـــــارح حب ومتــــــبت

في نبضي بمنــتهى القــــــوة

بعيـــــنك قلـــــبي متثــــــبت

ومين يقـــــدر علي حـــــــوا

أنــــــــــــا آدم ودا قــــدري

تكوني الجـــــنة والمـــــأوى

عيونك هـــما راس مـــــالي

ومكسب قــــلبي والـــــثروة

عيونك دي اللي راسمــــالي

طريقي لمـــــنتهى المـــثوى

عيونك دي اللي قســــــمالي

ليالي الطـــــيبة والقــــــسوة

يـــــا نبضة بتسكـني نبضي

تصحي فـ قلبي 100 ثـورة

فيهــــتف قلـبي دي أرضي

وها سكن فيــــها بالــــــقوة

وعهد الله ها صون عـهدي

أنا بعدك خلاص مـا اهوى

أســـــير الحب انـا المجـني

عليه والحـــــب دا غـــزوة

ضلوع قلبك بقــــوا سجني

وبدفع م الغــــــرام رشــوة

شيطـــان الحب جــــــــنني

بكاس الســــــكر والنـــشوة

بقيت عايش لكـــن مسطول

وكاسي عيــــــــونك الحلوة

بمد أديا لاجـــــــل ما اطول

تقوللي ازاي دا انــــــا جوة

أضم أديـــــــا علي صدري

عشان احضـــــــــنها بالقوة

يزيــــــــح النبض دراعاتي

عشان نـــــــــبضي بقا فتوة

ويصرخ فـــــــــــيا ويهاتي

مفيش غـــــــــيري أنا جوة

يا نبض القلب ليـــــه تكدب

حرام تحرمنا انـــــــا وهوة

عشان هيه بقــــــــت أقرب

فــــــــــــرد عليا قال أيـوة

وهو انا بــــــس من غيرك

هاحس بحـــــــــبها واهوي

يــــــــا نبض القلب بعشقها

ياريت تفـــــهم كدا وتوعى

Facebook Comments

أخبار ذات صلة

شارك برأيك وأضف تعليق

إحصائيات المدونة

  • 775٬975 الزوار
جميع الحقوق محفوظة لجريدة اليوم الخامس 2019 ©