رئيس مجلس الادارةمروة حلمي
رئيس التحريرأحمد يوسف

قصيدة بعنوان : خلي اللي ما بينا بينا

  • الشعر
  • 19 أبريل 2019
  • 220 مشاهدة
قصيدة بعنوان : خلي اللي ما بينا بينا

بقلم : الشاعر رضا ابو الغيط
متابعة : مسعد سليم

خلى اللى ما بينا بينا
علشان يقدر يعيش
دى الناس اللى ف زمانا
بتخاف ولا تختشيش

دارى ع الشمعه دارى
وبلاش يلمحها جارى
وان زارك… نور نهارى
أرجوكى ..ما تقوليش

ازاى قلبى اللى حبك
بيّعد ….بنبضه نبضك
وازاى يا حبيبتى قلبك
إختارنى عشان أعيش

خلّى الحُب اللى بينا
يجمع… دايما ما بينا
والشوق اللى ف عيونا
يطلع له جناح وريش

ويطير….. ويا الأمانى
ويقول …أجمل أغاني
وان دق …الباب أنانى
أرجوكى ما تفتاحيش

خبينى.. ف نن عينك
علشان ما يشوفش ليلك
أنوار حُبى ف جبينك
د الليل ما بيختشيش

وان كان على قلبى حالف
لعيونك … والشفايف
ما يشوفش اللى ما بينا
غير قلبك ما تخافيش

Facebook Comments

أخبار ذات صلة

شارك برأيك وأضف تعليق

إحصائيات المدونة

  • 873٬117 الزوار
جميع الحقوق محفوظة لجريدة اليوم الخامس 2019 ©