رئيس مجلس الادارةمروة حلمي
رئيس التحريرأحمد يوسف

يا أم الحقايق

  • الشعر
  • 17 سبتمبر 2019
  • 82 مشاهدة
يا أم الحقايق

بقلم : الشاعر رضا ابو الغيط
متابعة : مسعد سليم

يا أم الحقايق مقلوبه
وعايشه عُمرك مغصوبه
آن الأوان اسكن حُضنك
واتغطى م البرد ف طوبه
الورد ميل ناحيتنا
والفل زين سكتنا
وعشان ما تكمل فرحتنا
فصلت من صبرك توبه

يا أم العيون العسيله
والشمس ساعة الصبحيه
محتاج أدوق الحنيه
من نن عين المحبوبه
فستان جنابك متفصل
من قطن ابيض ومأصل
طرح اللى عمره ما يوم كسل
يروى العيون المعصوبه

يا أم الحقايق مش واضحه
ناولينى م القوطه الصابحه
قفصين وفوقهم كام طرحه
وبلاش تجيبى المعطوبه
ده القلب وده يبات عندك
ويقول لعمك ولخلتك
نفسى أبوسك من خدك
إن شاالله يحدفنى بطوبه

Facebook Comments

أخبار ذات صلة

شارك برأيك وأضف تعليق

إحصائيات المدونة

  • 978٬346 الزوار
جميع الحقوق محفوظة لجريدة اليوم الخامس 2019 ©