رئيس مجلس الادارةمروة حلمي
رئيس التحريرأحمد يوسف

آخر قصيده ف الديوان

  • الشعر
  • 10 نوفمبر 2019
  • 111 مشاهدة
آخر قصيده ف الديوان

بقلم : الشاعر رضا ابو الغيط
متابعة : مسعد سليم

عنوان قصيدتي المُرتقب
قلب العرب
موجوع قوي
من كل سهم بتحدفه ايد العدا
ع اللي ابتدى
يفرد جناحه للسما
واتمنى إنه يعيش سوى
رغم التعب
واللي انكتب فوق الجبين
بإيدين شمال وايدين يمين
وكاسات كتير داق مُرها
كان نفسها …يفضل ذَنب
عنوان قصيدتي المُرتقب
قلب العرب
صابه الألم
من كل سهم بيحدفه
مجنون وعامل فهلوى
وبيدعي انه انظلم
وانه الوحيد في أطلسه
مركون علي نفط ودهب
وقاعده قاعده بتحرسه
رغم الظروف رغم الهرب
وانه الوحيد اللي ضرب
كرسي ف كلوبات الفرح
ع الرغم ان المعطيات ف المسأله
واضحه وكمان متفسره
لا هي محتاجه لجدع
يقدر يقيس حجم الوجع
وللا حابه كتر الثرثره
وان قِستها بالمسطره
أو حتي بحروف منقله
هاتشير علي انه انبطح
وفوق قفاه…. ياما انضرب
عنوان قصيدتي المرتقب
قلب العرب
صابه الوهن
لما ف يوم قال العفن
انه السبب
ف كل اسراب المحن
وانه اللي عكر صفونا
وانه اللي شاقق صفنا
وانه اللي زعل مننا فرح الزمن
لحظة ما تمتم ع الشاشات
انه السبب ف كل انواع الشغب
وانه العريس المنتظر
لعروسة كات فاقده البصر
متمسكه تمشي ورا
أفكار لحمالة الحطب
وعجوز ف اسمه تشوف لهب
آخر قصيده
ف الديوان اللي انصلب
فوق المشانق والمقاصل ياعرب
مكتوبه من بحر الوجع
فوق سطر كان حلمه الأمان
قبل الحريق اللي اندلع
وأمور كتير ليها العجب
آخر قصيده ف الديوان
كاتبها شاعر زيكم
دمه كان من دمكم
حلمه ومناه
تحلو ليه يوم الحياه
وتمدوا ليه طوق النجاه
وتكون قصيدته ف الديوان
صوت الأدان
اللى بيجمع شملنا
ويضمنا
ف خريطه مفتاحها الأمل
وأمالها نكبر كلنا
عنوان قصيدتى المرتقب
يحيا العرب

Facebook Comments

أخبار ذات صلة

شارك برأيك وأضف تعليق

إحصائيات المدونة

  • 1٬067٬685 الزوار
جميع الحقوق محفوظة لجريدة اليوم الخامس 2019 ©