فنونفيروس كورونا

اصيب الفنان “كريم سرور” بالموجهه الثانية من فيرس كورونا

كتبت/ ايمان طارق
نشر الفنان كريم سرور تعليقا عبر حسابة الشخصى على موقع التواصل الاجتماعى “فيسبوك”، يعلن فيه عن إصابته بفيروس كورونا المستجد ويكشف عن الأعراض التى شعر بها والتى تؤكد ظهور الفيروس بشكل أكثر شراسة عن الموجة الأولى.
وقال ان “أعراض ڤيروس كورونا المستجد (الموجة التانية من الڤيروس) هو إصابة الجهاز الهضمى قبل التنفسى، فيه أعراض أولية معروفة وشائعة زى تكسير شديد فى الجسم وسخونية عالية جدًا وبتنزل فجأة بدون مبرر وفجأة تعلى تانى اوى، ضيق فى التنفس برضه مش طول الوقت خفقان فى القلب وزيادة سرعة ضرباته بشكل يخوف جدًا فقدان الشهية وعدم الإحساس بالطعام”.
واضاف: “أما الأعراض المستجدة بالنسبة للمعروف للناس هو ألم شديد فى البطن.. المعدة والقولون، إسهال شديد وشوية وبيقلب بإمساك شديد.. ألم المعدة بيمتد للجناب والضهر وأحيانًا الرقبة.. وحاجة كدة أشبه بحالات الإغماء بتستمر لمدة ١٠ دقايق أو نص ساعة بالكتير وده أظن بسبب مقاومة الجهاز المناعى للڤيروس لأنه ساعتها بتكون درجة حرارتى عالية جدًا.. شعور مستمر بالقيء بس مبيحصلش وأظن دى طبيعة جسمى أنا عادة مبرجعش خالص”.
واوحى ان: “الأعراض غير مستقرة وبتيجى وتروح وتقل وتزيد والثابت فيها هو عدم القدرة على التنفس بشكل جيد (كأن فيه حاجة على صدرك)،  وآلام شديدة فى البطن.. دى الأعراض اللى عندى بقالها ١١ يوم وأنا كنت فاكر إنها من القرحة المزمنة اللى عندى لحد ما حللت والتشخيص كان إصابتى بڤيروس كورونا المستجد”.
وأضاف كريم: “الأعراض كانت شديدة جدًا ولا تحتمل فى أول ٤ أو خمس أيام وبعدين بدأت تقل لكنها فجأة بتزيد جدًا.. بس أنا أحسن دلوقتى الحمد لله اتمنولى الشفاء وأى حد خالطنى فى آخر ٢٥ يوم يتأكد إنه تمام بس.. أسف جدًا أكيد مكنتش اعرف، شكرًا”.
صرح كريم سرور: “كنت متردد جدًا فى كتابة البوست ده بس قلت لازم الناس تعرف عشان تاخد بالها ولله الأمر من قبل ومن بعد”.
بأعراض الموجة الثانية من الفيروس.. إصابة الفنان كريم سرور بـ كورونا
اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى