حواررياضة
أخر الأخبار

الكابتن محمد فاروق في حوار خاص لليوم الخامس

حوار / أحمد حسن

 

 

في حوار مفتوح لليوم الخامس مع الكابتن محمد فاروق نجم نادي الزمالك السابق ومدير فني بالدوري السعودي ورحلته الكروية في الملاعب وصولا للتدريب في الدوري السعودي أحد أهم الدوريات في المنطقة العربية والآسيوية .

* كابتن فاروق شايف الدوري السعودي ازاي؟

** الدوري السعودي من الدوريات اللي المشاهد فيها بيستمتع جدا بالمشاهدة ويجبرك ان تنتظر بالاسبوع لتقارب المستويات بين الفرق والتنافس الشديد مفيش فرق بين فرق القاع وفرق المقدمة لان تقريبا في اعانات بتطلع من وزارة الشباب والرياضة لمستوي الاندية بنسب متساوية مفيش فروقات بين الاندية ولذلك مبدأ تكافؤ الفرص موجود ، ان انت تقدر تجيب 7 لاعيبه محترفين علي اعلي مستوي كل الاندية محققة دا وتقدر ان هي تجيب لاعيبه علي مستويات عالية وفي هنا حاجة اسمها اعضاء شرف الاندية بيقدرو يكملو النواقص المادية اللي موجوده في الاندية فـ بيقدرو يعملو فرق قوية ، ولذلك تجد التنافس في الدوري السعودي تنافس قوي جدا جدا مش بين فرقة ولا اتنين ولا تلاتة في اكتر من 6 فرق بتتنافس والفروقات مش كبيرة اوي و كفاية اني اقدر اقولك انك متقدرش تحقق الهابط او الي حاصل علي البطولة غير يمكن في اخر اسبوع او قبل النهائي باسبوع لذلك بتلاقي المتعة كبيرة جدا في الدوري السعودي.

* أيه أهم التغييرات في الدوري السعودي ؟

** بصراحة الدوري السعودي من فترة قريبة كان دوري قوي جدا الي ان اتخذ قرار بزيادة عدد المحترفين 7 محترفين من ضمنهم حارس مرمي اعتقد ان هذا قوي الدوري السعودي بشكل عام لكن هذا اضعف من قيمة المنتخب السعودي لكثرة المحترفين لكن اللي انا شايفه بردو من ناحية تانية ان هما هنا مهتمين بالقاعدة من تحت وبدأو يشتغلو من البراعم والناشئين والشباب بدأو يعملوا فرق كويسة اعتقد ان هي علي المدي بتخدم معاهم المنتخب وان شاء الله باذن الله نحن نأمل سواء الدوري السعودي و سواء الدوري المصري يكون في احسن حال لان دا مجالنا وكل ما المنتج بتاعنا بيكون افضل كل ما احنا شغلنا بيكون واضح وعملنا بيكون ظاهر فـ اعتقد ان الدوري كويس وقوي لكن مأثر علي المنتخب.

* من وجهة نظرك شايف ممكن يكون الدوري المصري زي الدروي السعوديه؟

** اعتقد احنا بعيد جدا عن الدوري السعودي في اخر ١٠ سنوات بسبب الامكانيات المادية والحضور الجماهيري وتقارب مستويات اكثر من فريق للمنافسة علي اللقب.

* شايف فرق بين الدوري السعودي والدوري المصري؟

** طبعا في فرق بين الدوري السعودي والدوري المصري اول فرق يكون واضح ان احنا عندنا في مصر قوانين ولكن لا تطبق لكن هنا في الدوري السعودي القانون قانون واللاوئح لوئح وتطبق علي الكبير قبل الصغير ولذلك تجدها عادلة فوق الوصف ، اصغر نادي مثل اكبر نادي كل واحد ياخذ حقه دي اكبر الفروق اللي موجوده بين الدوري المصري والدوري السعودي واعتقد دي الي اعطت الدوري السعودي الحظوظ الجيدة ان يكون من الدوريات الاكثر تقدما في الوطن العربي اتمني ان الدوري المصري يكون علي نفس المستوي او يرجع لقمة الساحة كما كان لان انا اري ان الدوري المصري يتراجع جدا وهناك دوريات كثيرة تسبقنا وهذا بسبب بعض المجاملات والمحاباة لنادي عن غير الاندية وهذا لايوجد في كثير من الدول.

* ممكن كلمه سريعة عن فرق التدريب في مصر والسعودية؟

** طبعا فرق التدريب بين مصر والسعودية ان هنا بدأو يهدو كوادر مواطنين علي اعلي مستوي بيوفرولهم دورات تدريبية بصفة مستمرة وانتعاش خارج المملكة علشان ياخدو دورات علي احدث مستوي ويعملو فترات معايشة كبيرة جدا طبعا فرق الإمكانيات هو من يصنع الفارق واتمني ان في مصر يكون متوفر للمدربين نفس الابعاث الخارجي والدورات سواء مخفضة او مجانية لان دا في الاخر بينعكس علي مستوي الكرة المصرية وعلي مستوي الكرة السعودية وعلي مستوي الكرة في البلد نفسها الي بتعد الكادر الي يكون مثقف وعندو المام بكل عناصر اللعبة سواء من تغذية لفسيولجي لسيكولجي لتاكتيك لتغذية لكل شئ وطبعا ان شاء الله باذن الله انا متفائل بعد استقرار اتحاد الكرة وان شاء الله قادرين علي الرجوع مرة اخري باذن الله

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى