فنون

بسمة بوسيل الأكثر بحثا على جوجل..بعد مصالحة تامر لها

كتبت_ مروة حسن

تصدرت المغربية بسمة بوسيل مؤشرات البحث بـ جوجل مصر بعد مصالحة زوجها الفنان تامر حسني لها، عقب إعلانها انفصالهما منذ أيام .

وكتب تامرحسني، عبر خاصية ستوري على موقع تبادل الصور والفيديوهات “إنستجرام”: “بسمة حبيبتي للأسف إنتي مفكرتيش كويس وسلمتي ودنك لشر السوشيال ميديا، وكام تعليق كلامهم فارع نسوكي إنك عرفتيني وأنا مشهور ودي طبيعة شغلي اللي حبتيني وعرفتني بيها، إزاي يوصلوكي للبعد والزعل، المهم أنا مش هزعل منك ولا هيرضيني إنك تزعلي”.

وتابع: “عشان إنتي حبيبتي وأم عيالي وأنا ضهرك وسندك مهما حصل بس اللي عايز أقوله لعل نكون سبب خير في التوعية ناس كتيرة.. ليه لما حد بيزعل من حب بيكتب على السوشيال ميديا، طب حتى يكلموا الأول، إيه علاقة الناس بمشكلة شخصين ممكن تتحل بالتليفون”.

وأضاف: “ربنا جعل بينا مودة ورحمة عشان كده إنتي عارفه إن في ناس طبيعتهم حب خراب البيوت، ومش هنخلص منهم بس إنتي اللي هتخلصي من فكرة إنك تسمعيهم.. مع إنك مكنتيش كده”.

واستطرد: “ياريت تركزي مع طاقة الناس اللي دعولنا ودعوا لأولادنا بكل خير، وفعلا أنا بشكر كل الناس والفنانين اللي سعوا في الخير لينا، وأنا واثق إنك زعلانك خلاكي كتبتي كده، هو تصرف متهور منك ولا يهمك مش عيب إن الإنسان يغلط ويتعلم وأنا ياما علمتك ولسه هعلمك كان نفسي الكلام ده يكون بينا”.

وأختتم تامر حسني رسالته: “بينا حب غالي وحياة كريمة وأولادنا وبيتنا أغلى ما فيها، ربنا يخلينا ليهم
وردت عليه بسمه بوسيل قائلة:”متهورة بس بحبك”.

وكان النجمين تامر حسني وبسمة بوسيل، تعرضا لحالة من التنمر الشديد، عقب إعلان الأخيرة خبر إنفصالهما عبر حسابها الرسمي على “إنستجرام”.

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى