فنون

” بسنت النبراوي ” في حوار خاص لجريدة ” اليوم الخامس “

حوار : العنود أنس عمر

“بسنت النبراوي” تميزت في السباق الرمضان لعام٢٠٢١ ، في مسلسل «اللي ملوش كبير» بتجسيد دور شقيقه “ياسمين عبد العزيز ” ، والتي جسدت فيها شخصيه شريره من الدرجه الاولي، مما أخذنا الي معرفه تفاصيل تحضيرها لتجسيد الشخصية.

 

 

في البدايه حدثيني عن دور سما بالنسبالك؟

بدأت أقرأ الاسكربت كله واشوف ابعاد الشخصيه كلها ، حسيت انها شخصية شريره ، كانت اول مره اعمل شخصيه شريره بالطريقه دي، عملت قبل كدا دور شر في مسلسل” حلوه الدنيا سكر” مع الفنانه “هنا الزاهد” قصه «لا سحر ولا شعوذة» ،لكن مكنش بنفس شر شخصيه سما.

كيف جاء ترشيحك لمسلسل اللي ملوش كبير؟

من استاذ “مصطفي فكري” مخرج العمل ، ودا كان تاني عمل بنا.

ماذا عن تعاونك مع ياسمين عبد العزيز؟

مبسوطه جداا اني اشتغلت معاها ، لاني بعشقها من زمان ، انسانه متواضعه وجميله ومتعاونه جدا في العمل.

ما المده التي اخذتيها لتحضير الدور؟

مكنتش مده كبيره اسبوعين او ثلاثه اسابيع فقط.

هل تتابعي ردود افعال الجماهير حول دورك؟

بتابع كل حاجه وبتبسط جدا لما بشوف قد ايه اقنعت الناس بدور الشر دا.

ماذا عن كواليس العمل؟

الكاست كله كان لطيف جدا واليوم كان بيعدي حلو اوي، الكل كان بيتعاون مع بعضه، كان في ناس اول مره نشوف بعض و علي الرغم من كدا كان الجو بنا حلو وكنا متعاونين في كل حاجه.

 

 

بعض المواقف الطريفه التي حدثت اثناء التصوير؟

لما كنا بنصور مشهد الاكل “مشهد الحمام” فضلنا نضحك وكررنا المشهد كتير من كتر الضحك والتريقه وناكل من الاول وجديد ،واستاذ “مصطفي فكري” كان عايزنا ناكل بطريقه همجيه اووي ،عشان يبين قد ايه عيله غزل مش شبعانه.

ما الذي جذبك لقيامك بالدور؟

دور مختلف عني انا معملتش دور شخصيه شريره بالشكل دا قبل كدا ،وكان بالنسبالي تحدي اني اقدر اعمل الشخصيه وتنجح بالشكل دا ، والحمدلله الناس اقتنعت بالشخصيه جدا.

ما اصعب مشهد واجهتية اثناء التصوير؟

مكنش فيه صعوبات الحمدلله الموضوع كان ماشي بسيط وجميل جدا.

هل تغير شئ في شخصيتك بعد تجسيد شخصه سما؟

بقيت غصب عني لما بتكلم لازم حاجبي مرفوع زي ما كنت في المسلسل ،لكن هغير العاده دي وارجع زي الاول.

هل تخوفتي من تقديم هذه الشخصية؟

لا مخفتش خالص من الشخصيه ، قد ما خوفت من رد فعل الناس، لان صعب تقنعي الناس بدور الشر وتكون في نفس الوقت خفيف علي الناس في رمضان.

اهم الاعمال السابقه التي قمتي بها والمفضله لديكي؟

مسلسل “الوصيه” قدمت فيه ٥ حلقات دا اهم الاعمال بالنسبالي وأحبهم علي قلبي، وعملت اغنيه “بسبوسه” مع اكرم حسني.

ما الرساله التي تود ان توجهيها لطاقم العمل؟

شكرا جدا جدا ، انكم ناس لطيفة جدا ومتعاونة جدا حتي التوجيه كان بطريقة لطيفة، حتي الناس اللي اول مره أشوفها عايزه اقولكم شكرا جدا ،هما ناس طيبه عشان كدا ربنا وفقهم في العمل.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى