الشعر

بنت النيل

بقلم : مسعد سليم

والله يا أمِّي انِّك غاليه
واللي عَملتيه من طيب أصلِك
أخلاقِك زيِّ السَّما عاليه
والغالي نفسُه يرخصلِك
من بين مجاميع كُنتي أميره
مصريَّه حُرَّه وأصيله
والرُّوح نفسها حلوه جميله
الله يا مصرِنا علىٰ طيب نسلِك
علِّمتي ذكور معنىٰ رجوله
والرَّحمه فْــ قلبِك كات انهار
كانوا جانبِك لسَّه فْــ سنه أولىٰ
وبفعلِك قولنا الدُّنيا عمار
المدح فقير جَنبِ جِميلِك
من جِوَّه الرُّوح كتَّر خيرِك
وقلوبنا بحُب بتدعيلِك
يا معاجِم وافيه لمعنىٰ ابرار
الفكره مش فيديو وتصوير
وكلام من أجل الشُّو والصِّيت
مانتش محتاجه هتاف جماهير
ولا عنِّك حتَّىٰ يُقال حواديت
أخلاقِك كانت ليكي التَّاج
وعبيرها نسيمُه كما الافواج
وكلامنا كُلُّه فقير مِحتاج ..
لجل يوفيكي أوسِمَه وشريط
ربِّنا يحميكي يا بنت النِّيل
ويبارك لينا فْــ أمثالِك
يا نبيله وباقيه جيل ورا جيل
ولا غير الرَّحمه راس مالِك
الله يُجبُر خاطرِك يَمَّه
زيِّ ما طيِّبتي خواطرنا
وراويتي قلوبنا من الضَّمَّه
وكأنِّك قَمرَه فـِـ ليل حالِك

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

شاهد أيضاً
إغلاق
زر الذهاب إلى الأعلى