سألوها ليه بس إتقتل
قالت عشان راجل بطل
مش عجبه راجح يفترس
عرض الصبيه
سألوا الصبيه ع الجدع
سألوا الصبيه

محمود ده كان شهم وأمير
إنسان عظيم عنده ضمير
وما همهوش من ديب حقير
ولا همه شغل البلطجيه
سألوا الصبيه ع الجدع
سألوا الصبيه

قالت بصوت مليان وجع
محمود ده كان أعظم جدع
ما عرفش يوم طعم الدلع
وأهو مات ضحيه
سألوا الصبيه ع الجدع
سألوا الصبيه

محمود ده كان انسان شجاع
لا عمره خان ولا حتى باع
أما البتاع ابن البتاع
من صغره باع كل القضيه
سألوا الصبيه ع الجدع
سألوا الصبيه

سألوا الصبيه ع الجدع
سألو الصبيه
يبقى ابن مين ف البلد
قالت بهيه