فنون

قصص نجاح رائدات الاعمال تبرز أعمال نهلة ونور عبد الناصر

كتب – علاء حمدي

نهلة ونور لاحظوا إن فيه ناس كتير عندهم المهارة الحرفية بس معندهمش العلم اللي يخليهم يطوروها، وبدأوا يركزوا على الخزف علشان -زي ما نهلة بتشرح وبتقول-: “الخزف له سحر خاص، كل حتة طين وكل فرن له نتيجة مختلفة، كمان الحرفة دي بتساعد على الحفاظ على البيئة علشان بتقلل الاعتماد على البلاستيك.”

بدأت الأختين يتواصلوا مع حرفيين مختلفين ويعرضوا عليهم تصميمات جديدة، فكانوا بيساعدوا الحرفيين دول مش بس على تجربة تصميمات جديدة غير اللي اتعودوا عليها والخروج عن المألوف، لكن بدأوا كمان يهتموا بيهم كأفراد ويحاولوا يحسنوا من ظروف وبيئة شغلهم.

من هنا اتولد البراند بتاعهم اللي اختاروله اسمه Ellie Home Decor، وبيحسوا كل مرة حد بيبعتلهم صور لقطعة اشتراها منهم محطوطة في بيته إن روحهم بقت جزء من البيت ده.

نهلة ونور نفسهم يوفروا رعاية صحية للحرفيين اللي بيشتغلوا معاهم، وإن مدارس الصنايع ترجع ويكون تعلم الحرفة مش حاجة عيب أو محصورة في الطبقات الفقيرة بس.

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى