الشعر

مش طايق

عادل التعلب

 

 

 

قولولها إني مــش طـــايق

بعادها عنــي لـــو لحـظة

و أيه فايدة أكون عاشق

ومعشوقتي تغيب لحظه

دا انا من غيرها مش عايش

وهيه عارفه دا وحافظه

وحبي ليــها مــــش كلـــمة

بقولها وسط ١٠٠ لفــظه

دا حبي ليها عــــندي حياة

و عارف أنها ملاحـظه

 

 

قولولها إني مش طــــايق

بعادها لو مجرد شــبر

غيابها بــــــس لـــــدقايق

دا يحتاج الدُعا بالصبر

دا دي اللي عشقها فـ دمي

وفاكرينه كلام بالحـبر

بشوف الدنيا من غــيرها

يادوبك بس تشبه قبر

 

 

قولها إني مــش طــــــايق

اشوف بعنيا بعدها حــــد

بقيت بوجـودها بتـــــعايق

علي كل البشر فـ الأرض

دي هــــيه كل مـــــــــا ليا

وانا كل ما ليها بجـــــــد

كأن في لحظة التكــــوين

إله الكون خلقنا لبعـــض

 

قولولها إني مش طايــق

حياتي لو ماهيش فيها

ما كونتش قبلها عايــش

يادوبك عشت فـ عنيها

بـــدأ قلبي بشوق ينبض

وهايم وسط لـــياليها

أميرة قلبي .. ملهمـــتي

وحتى الشعر بقا ليها

 

 

قولولها إني مش طــايق

وأيه بعدك كدا ينطاق

بعادك مــن قصاد عيـني

يهد جبال من العشاق

يا ساكنة جوة فـ وتيني

وبتحاربيني بالأشواق

أنا مش حمل اغيب عنك

ولا قلبي دا حمل فراق

 

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

شاهد أيضاً
إغلاق
زر الذهاب إلى الأعلى
إغلاق
إغلاق