فنون

نجوم الفن يدعون ل ياسمين عبد العزيز بالشفاء العاجل

#ندي بدر

 

 

 

طالب عدد كبير من نجوم الفن، من جمهورهم ومن الجميع الدعاء للنجمة ياسمين عبد العزيز بالشفاء العاجل بعد خضوعها لعملية جراحية خلال الساعات الماضية

وكتب وائل عبد العزيز، منشورا عبر حسابه على “فيسبوك” قائلا: “صباح الخير.. أنا كل الي هقدر اقوله دالواقتي ادعوا لياسمين حالتها خطرة”.

منشور وائل أقلق محبيها وأصدقاءها الذين تمنوا لها السلامة من خلال السوشال ميديا بعبارات مؤثرة ودعوات بالشفاء، منهم منى زكي، كريم فهمي، سوسن بدر.

كما كتبت آيتن عامر: “ربنا يقومك بالسلامة ويشفيكى ويعافيكى”، فيما كتب أحمد حلمي عبر خاصية الستوري في انستغرام: “اختي الغالية ياسمين بتعمل عملية صعبة ممكن تدعولها تقوم بالسلامة”.

بدورها كتبت بسمة وهبة:”اللهم بحق هذه الأيام المباركة اشفي ياسمين عبد العزيز شفاء لا يغادر شقماً..اللهم اشفيها بقدرتك”.

وكان الفنان أحمد العوضي، زوج ياسمين عبد العزيز أشار في وقت سابق إلى خضوع زوجته لعملية جراحية.

وقال على حسابه في “فيسبوك”: “الرجاء الدعاء بظهر الغيب لزوجتي وحبيبتي ياسمين.. هي في العمليات ومحتاجة دعواتكم، اللهم إنك أنت الشافي المعافي بقدرتك على كل شيء، اللهم ارفع عنها البلاء والوباء واشفها وعافها”.

وأضاف العوضي في منشور آخر: “يمكن ببان قدامكم دايما قوي.. لكن الحقيقة أنا دلوقتي أضعف إنسان على وجه الأرض عشان أنا روحي مش معايا.. أنا ضعيف جدا من غيرك.. إنتي لازم تبقي كويسة ولازم تقومي بالسلامة.. أنا لأول مرة أكتب من غير ما أكون مفكر أنا بكتب إيه وهكتب إيه.. بس إنتي هتقومي إن شاء الله بإذن الله عشان إنتي وعداني وعد وهتتفذيه”.

ووجه كلامه لزوجته قائلا: “أنا عاوزك تبقي كويسة وتقومي عشان أقولك إني لو كنت ببينلك إني بحبك مرة فالحقيقي واللي جوايا إني بحبك ألف مرة.. وأنا دلوقتي مش قوي زي ما إنتي بتشوفيني أنا دلوقتي ضعيف ضعيف جدا.. لحد ما تقوميلي تاني عشان زي ما إنتي بتاخدي قوتك مني أنا كمان باخد قوتي منك.. قومي عشان أنا بحبك.. بحبك أكتر بكتيير من كل الكلام اللي أنا كتبته.. أكتر بكتير من كل اللي عدينا بيه مع بعض من أيام حلوة ومواقف صعبه مرت علينا.. أكتر بكتير حتي من الموقف اللي إحنا فيه دلوقتي.. أنا بحبك”.

 

 

واختتم منشوره قائلا: “ادعولها تقوم بالسلامة زي ما إنتو دايما بتدعولها بالنجاح والتوفيق.. هي دلوقتي محتاجة دعواتكم”.

 

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى