الشعر

هتفرق إيه

بقلم الشاعر / مسعد سليم                                                                                                                                         
هتفرق إيه خلاص الجرح خدنا عليه
خلاص الحُزن صار صاحب
ومُخلص جدَّا ابن الإيه
وحتَّىٰ لمَّا نتألم تقوم الدُّنيا
وما تقعُد وتشوف إيه بيوجعنا
ومن ثمَّ تحُطِّ عليه
قابلنا كتير وبنقابل نقول هانت مابتهونشي
نقول آنت ما بتؤونشي
تعبنا من سنين وسنين
وهيَّ ماشيه علىٰ كيفها وهيَّ بتحتفي بزيفها
وياما جينا علىٰ روحنا
وياما صلبنا في طموحنا
وياما نتخذل أشواط وياما نستوي تاتشات
ونصبُر رغم أوجاعنا
ونرضىٰ رغم أوضاعنا
خواطرنا بتبكي هموم
وشايله من الكُسور بالكوم
وكل أمَّا تقول هتصوم
وتنوي الصُّوم تقوم الدُّنيا من تاني
وتلعب لعبة الجاني
كفايه يا دُنيا من ناسك شبعنا منهم أوجاع
سكتنا كتير وقولنا العيش
وهُمَّا تملِّي يتمادوا
وحلُّوا جرحنا وقاضوا
وحكموا علينا بالتَّجريح وبالتَّوبيخ
وأعطوا لنفسهُم تصريح
علىٰ اللي العيبه مانعينها
علىٰ اللي الرَّحمه صاينينها
وعايشينها كما الاموات
وأرواحهُم شهود إثبات من كُتر اللي شايفينُه
ورافضينُه وأوينُه بمبدأ
نعيش فـِـ سلام
ويا بخت اللي بات مظلوم عشان جوَّاه مازال إنسان
نلاقي العدل فين أراضيه
وإمتىٰ النَّاس تخلِّي ضميرها تاني نزيه
لأنِّ بصدق صار طعم الحياه علقم
وإن طالت وإن قُصرت
أكيد في حساب ومهما نشوفُه عنَّا بعيد
هيحاسب جميعنا عليه

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

شاهد أيضاً
إغلاق
زر الذهاب إلى الأعلى